A Eurocidade Cerveira-Tomiño avalía os seus proxectos pioneiros de cooperación
22 Outubro, 2020
A aposta pola conexión ferroviaria e polo protagonismo dos territorios da fronteira marcan as II Xornadas da Amizade
27 Outubro, 2020A Comisaria europea de Cohesión participa este venres no debate “Europa sen Fronteiras” das II Xornadas Amizade Cerveira-Tomiño
Todas as persoas que o desexen poderán asistir por streaming a través da páxina web da Eurocidade
A Eurocidade Cerveira Tomiño, quenta motores xa para a celebración das II Xornadas Amizade que terán lugar mañá ao longo de todo o día no Auditorio do CAE (Centro de Apoio ás Empresas de Cerveira)*, e que servirán para e reflexionar sobre o futuro da cooperación transfronteiriza, e realizar un balance dos resultados acadados na “Axenda Estratéxica para a Cooperación Transfronteiriza Amizade Cerveira-Tomiño”, proxecto cofinanciado polo FEDER a través do Programa Interreg V A España-Portugal (POCTEP).
O foro contará con numerosas autoridades a nivel local, autonómico e estatal, entre as que se atopan a comisaria europea de Cohesión (Elisa Ferreira), a ministra de Coesão Territorial do Governo Português (Ana Abrunosa) e o presidente da Xunta de Galicia, (Alberto Núñez Feijóo) que participará por videoconferencia, igual que a comisaria. Todos eles participarán no debate “Europa sen fronteiras: O papel da cooperación transfronteiriza na consolidación do proxecto europeo” (16.00 h. portuguesa), moderado por Fátima Campos Ferreira, xornalista RTP e Xabier Fortes, xornalista RTVE, e no que tamén estarán o presidente da Cámara de Vila Nova de Cerveira, Fernando Nogueira, e a alcaldesa de Tomiño, Sandra González.
Por parte galega, está confirmada a asistencia, entre outros, do deputado de Mobilidade Transfronteiriza na Deputación de Pontevedra (Uxío Benítez,); dos grupos parlamentarios do Parlamento de Galicia, do Reitor da Universidade de Vigo, de alcaldes e alcaldesas da zona e de diferentes organizacións empresarias e asociacións cívicas.
Debido ao contexto de pandemia Covid-19, e co fin de cumprir con todas as medidas de seguridade, só poden asistir presencialmente á sesión da tarde, que empezará ás 14.15h (hora portuguesa), aquelas persoas e medios de comunicación acreditados previamente.
Todas as persoas que o desexen poderán asistir por streaming a través da páxina web da Eurocidade Cerveira-Tomiño). O programa completo de actividades pode consultarse premendo aquí.
* Coordenadas: 41.969340, -8.687279
