Actividades

Actividades

 

A irmandade entre Cerveira e Tomiño vai máis alá de compartir un mesmo territorio e servizos: compártese modo de vida. Crecer mirando ao Miño forxa un carácter único e fai que cerveirenses e tomiñenses compartan ideas e inquedanzas. Por ese motivo, a Eurocidade inclúe tamén a posta en marcha de distintas actividades nas que invitar a participar á cidadanía de ambos os dous concellos, iniciativas que van dende eventos deportivos ata culturais ou de lecer.



Simposio Internacional de Escultura no Miño

Nada exemplifica mellor a boa acollida das programacións e actividades conxuntas entre Tomiño e Vila Nova de Cerveira que o Simposio Internacional de Escultura no Miño, un encontro bianual xa consolidado que serve para visibilizar non soamente aos concellos organizadores, senón tamén a toda a comarca.

Este simposio converteuse nun espazo de experiencia e liberdade creativa que une a artistas internacionais coa poboación en xeral. En cada edición, durante dúas semanas artistas de renome traballan en directo materiais de grandes dimensións para transformalos en valiosas obras de arte que despois pasarán a formar parte do patrimonio escultórico das vilas e das que se poderán desfrutar en diversas rúas de Cerveira e Tomiño.

Trátase dun proxecto ambicioso pero tamén estimulante, xa que favorece a participación activa tanto por parte dos artistas como do público. Un proxecto de futuro que abre e marca camiños para que as vindeiras xeracións poidan continuar traballando na desfronteirización cultural.



Cerveira e Tomiño celebran unha nova actividade deportiva conxunta, a Andaina Eurocidade. Esta actividade celebrou a súa primeira edición cun percorrido entre o Parque de Lazer do Castelinho (Cerveira) e o Espazo Fortaleza de Goián, arredor de 10 quilómetros de ida e volta nun circuito considerado de dificultade moderada/baixa e apto parta público familiar.

A I Andaina Eurocidade Cerveira Tomiño, promovida conxuntamente polos dous concellos, tivo unha duración aproximada de 2h30 minutos, e realizouse co obxectivo de dar a coñecer a toda a veciñanza o territorio unido polo río Miño e o futuro Parque da Amizade, un proxecto que busca a unión de dous espazos urbanos próximos que comparten o mesmo espazo natural e son vividos da mesma forma polos seus usuarios e usuarias.

A andaina desenvólvese dentro do programa Deporte para todas as persoas, actividades deportivas gratuítas promovidas conxuntamente polos concellos de Tomiño e Cerveira.

Andaina Eurocidade



Ponte da Amizade - Europa sen fronteiras

O proxecto Ponte da Amizade-Europa sen fronteiras, financiado pola Unión Europea no marco do programa 'Europa para a cidadanía' e promovido polos concellos de Cerveira e Tomiño tendo presente a Carta da Amizade, servíu para dinamizar entre o 15 e 20 de setembro de 2015 un programa de actividades que tiñan por obxectivo sensibilizar á poboación para unha participación máis activa na integración europea.

Formaron parte deste programa iniciativas tan diversas como cine, conferencias, exposicións, actividades deportivas, gastronomía, xornadas, música ou teatro. Todas elas actividades basadas na dimensión europea e na cooperación territorial garantindo o acceso a un público procedente de ambos os dous países.

Procurando a implicación de varias institucións e organizacións locais, buscábase tamén aumentar o impacto do proxecto no propio territorio, sensibilizando sobre a historia e os valores comúns que teñen as dúas localidades, estimulando o debate, a reflexión e o desenvolvemento de traballo en rede transfronteirizo.

O programa favoreceu que as persoas participantes compartiran experiencias, coñecementos e boas prácticas en temas comús. Para iso artelláronse obradoiros de traballo, conferencias e xornadas con intervencións e temas multidisciplinares, involucrando a asociacións e personaxes tanto de Cerveira como de Tomiño. O proceso de integración na Unión Europea e a forma en que afectou no día a día á cidadanía tomiñesa e cerveirense e ás súas relacións foi outro tema amplamente explorado en diversas iniciativas promovidas dentro da candidatura.

En total, 1.400 cidadáns participaron nas accións promovidas polo proxecto Ponte da Amizade-Europa sen fronteiras 2015, dos que cerca de 600 procedían de Tomiño.



Perfectamente consolidado nas probas da modalidade, o Tríatlon da Amizade Cerveira-Tomiño conta con máis dunha década de vida. Organizado conxuntamente polos dous concellos e co apoio técnico da Federación Portuguesa de Tríatlon e da Federación Galega de Tríatlon, esta competición internacional celébrase a última fin de semana de setembro e atrae un número crecente de participantes que ten o río Miño e a ponte de amizade como punto de unión.

Trátase dunha proba cunha traxectoria moi recoñecida a nivel europeo e que cada ano conta con maior número de participantes e cun maior investimento económico.

Ao ser unha competición deportiva transfronteiriza levada a cabo polos dos países da beira do Miño, converteuse nunha proba moi significativa e remarcable no calendario galego e portugués, fomentando a amizade e a veciñanza entre ambos os dous países á vez que se promove a práctica de deporte ao aire libre.

Tríatlon



Simposio Internacional de Escultura no Miño

Nada exemplifica mellor a boa acollida das programacións e actividades conxuntas entre Tomiño e Vila Nova de Cerveira que o Simposio Internacional de Escultura no Miño, un encontro bianual xa consolidado que serve para visibilizar non soamente aos concellos organizadores, senón tamén a toda a comarca.

Este simposio converteuse nun espazo de experiencia e liberdade creativa que une a artistas internacionais coa poboación en xeral. En cada edición, durante dúas semanas artistas de renome traballan en directo materiais de grandes dimensións para transformalos en valiosas obras de arte que despois pasarán a formar parte do patrimonio escultórico das vilas e das que se poderán desfrutar en diversas rúas de Cerveira e Tomiño.

Trátase dun proxecto ambicioso pero tamén estimulante, xa que favorece a participación activa tanto por parte dos artistas como do público. Un proxecto de futuro que abre e marca camiños para que as vindeiras xeracións poidan continuar traballando na desfronteirización cultural.



Andaina Eurocidade

Cerveira e Tomiño compartiron unha nova xornada deportiva. O domingo 7 de outubro, o Parque de Lazer do Castelinho (Cerveira) e o Espazo Fortaleza de Goián unironse nunha andaina que percorreu os 10 kilómetros de ida e volta nun circuito considerado de dificultade moderada/baixa.

A I Andaina Eurocidade Cerveira Tomiño, promovida conxuntamente polos dous concellos,  tivo unha duración aproximada de 2h30 minutos, con saída prevista para as 9:45min (hora galega) desde o Parque de Lazer do Castelinho na vila portuguesa.

A andaina forma parte do programa Deporte para todas as persoas, actividades deportivas gratuítas promovidas conxuntamente polos concellos de Tomiño e Cerveira. Este programa de promoción da práctica de exercicio físico inclúe a Piscina en familia, o primeiro sábado de cada mes, para nenas e nenos de 3 a 12 anos acompañados de familiares; actividades para maiores de 55 anos, todos os martes e xoves; e práctica de diversas modalidades deportivas (pilates, ximnasia, zumba, fitness e actividades afíns) en parroquias de Tomiño e nos IPSS (“Instituição Particular de Solidariedade Social”) de Vila Nova de Cerveira.

Deporte para todas as persoas é unha das iniciativas impulsadas pola Axenda Estratéxica para a Cooperación Transfronteiriza Amizade Tomiño-Cerveira, un proxecto cofinanciado ao 75% polo Programa INTERREG VA POCTEP, fondos FEDER da Unión Europea.



Ponte da Amizade - Europa sen fronteiras

O proxecto Ponte da Amizade-Europa sen fronteiras, financiado pola Unión Europea no marco do programa 'Europa para a cidadanía' e promovido polos concellos de Cerveira e Tomiño tendo presente a Carta da Amizade, servíu para dinamizar entre o 15 e 20 de setembro de 2015 un programa de actividades que tiñan por obxectivo sensibilizar á poboación para unha participación máis activa na integración europea.

Formaron parte deste programa iniciativas tan diversas como cine, conferencias, exposicións, actividades deportivas, gastronomía, xornadas, música ou teatro. Todas elas actividades basadas na dimensión europea e na cooperación territorial garantindo o acceso a un público procedente de ambos os dous países.

Procurando a implicación de varias institucións e organizacións locais, buscábase tamén aumentar o impacto do proxecto no propio territorio, sensibilizando sobre a historia e os valores comúns que teñen as dúas localidades, estimulando o debate, a reflexión e o desenvolvemento de traballo en rede transfronteirizo.

O programa favoreceu que as persoas participantes compartiran experiencias, coñecementos e boas prácticas en temas comús. Para iso artelláronse obradoiros de traballo, conferencias e xornadas con intervencións e temas multidisciplinares, involucrando a asociacións e personaxes tanto de Cerveira como de Tomiño. O proceso de integración na Unión Europea e a forma en que afectou no día a día á cidadanía tomiñesa e cerveirense e ás súas relacións foi outro tema amplamente explorado en diversas iniciativas promovidas dentro da candidatura.

En total, 1.400 cidadáns participaron nas accións promovidas polo proxecto Ponte da Amizade-Europa sen fronteiras 2015, dos que cerca de 600 procedían de Tomiño.


Tríatlon

Perfectamente consolidado nas probas da modalidade, o Tríatlon da Amizade Cerveira-Tomiño conta con máis dunha década de vida. Organizado conxuntamente polos dous concellos e co apoio técnico da Federación Portuguesa de Tríatlon e da Federación Galega de Tríatlon, esta competición internacional celébrase a última fin de semana de setembro e atrae un número crecente de participantes que ten o río Miño e a ponte de amizade como punto de unión.

Trátase dunha proba cunha traxectoria moi recoñecida a nivel europeo e que cada ano conta con maior número de participantes e cun maior investimento económico.

Ao ser unha competición deportiva transfronteiriza levada a cabo polos dos países da beira do Miño, converteuse nunha proba moi significativa e remarcable no calendario galego e portugués, fomentando a amizade e a veciñanza entre ambos os dous países á vez que se promove a práctica de deporte ao aire libre.