O festival infantil transfronteirizo propón 12 horas de animación gratuíta para nenos e adultos

O 31 de agosto todos os camiños levarán ao festival infantil ‘Aventura na Terra d’Amizade’

A Eurocidade Cerveira-Tomiño suxire un día familiar, con ducias de xogos nun espazo harmoniosamente natural, o Parque de Lazer do Castelinho. Tamén haberá concerto na Praza do Seixo de Tomiño

Diversión asegurada nun evento que combina un forte compromiso coa pegada ecolóxica a través de accións de concienciación ambiental

Entrada totalmente libre en todas as actividades

Antes do inicio do ano escolar, Vila Nova de Cerveira e Tomiño propoñen un festival infantil, unha despedida diferente de agosto e das vacacións de verán con todo aquilo que lles gusta e que merecen os máis pequenos e pequenas. Un día inesquecible de festa, moitas gargalladas e innumerables sorpresas nun ambiente seguro!

O festival infantil ‘Aventura na Terra d’Amizade’ trae este 31 de agosto inchables para todas as idades, camas elásticas, ludoteca para bebés, pinturas faciais, xogos tradicionais, baile, xumba para nenos e nenas, maxia, concerto infantil con Uxía Lambona e a Banda Molona, espectáculo de teatro ‘O Mago de Oz’, baby shark ou baile cos heroes, entre outras iniciativas ben divertidas.

Un festival sostible

E como todos os eventos que implican aos nenos e nenas debe de ter un compoñente didáctico, os pequenos festivaleiros e festivaleiras e as súas familias terán o desadío de facer a súa contribución á pegada ecolóxica. O festival infantil estará marcado por ser ambientalmente responsable, rradicando o uso desmedido de plásticos por un lado e, por outro, incentivando o mantemento de espazos públicos limpos e aseados coa presenza de varios ecopuntos de Valorminho.

Ademais, promocionarase a actividade ‘Recicla coa lontra’, a través da que todas as persoas participantes serán convidadas a encher unha estrutura metálica con forma de lontra co lixo do festival infantil. Ao longo do día están previstas accións onde aprender xogando a importancia dos 3R’s: reducir, reutilizar e reciclar.

Con socios como BioAventuras e Nai Natureza, as persoas participantes na ‘Aventura na Terra d’Amizade’ van poder desfrutar de obradoiros con produtos naturis e orixinais, así como de talleres de barro que proporcionan o contacto coa natureza e unha experiencia sensorial importante.

Máis de 12 horas de aventuras

Unidos polo río Miño, Vila Nova de Cerveira e Tomiño preparan máis de 12 horas se aventura familiar, potenciando a convivencia transfronteiriza nun ambiente natural e ecolóxico. A ‘Aventura na Terra d’Amizade’ abre das 10.00 horas deste sábado ata ás 19.00 h (hora portuguesa) no Parque de Lazer do Castelinho de Cerveira. Continuará a partir das 20.00 h (hora portuguesa) na Praza do Seixo de Tomiño co concerto completo de Uxía Lambona e a Banda Molona.

Entrada libre e gratuíta en todas as actividades.

Agardámosvos!

Bota un ollo ao programa de actividades…

… e a o mapa do festival!