Información importante sobre emprego e traballo transfronteirizo

Contactos dispoñibles durante a crise sanitaria para consultas ou petición de certificados

Con motivo do estado de alerta establecido nesta crise sanitaria por COVID-19, os protocolos para demanda de emprego e outros trámites relacionado co ámbito laboral adaptaranse para cumprir coas medidas de contención previstas nestes intres. Así a oficina do Servizo Público de Emprego de Tui informa a todos os veciños e veciñas que queiran solicitar a prestación ou subsidio por desemprego que non necesitan activar a demanda de emprego, senón que o SEPE envía os datos directamente a esta oficina e nela xestiónase todo de oficio. Unha vez realizado o proceso, dende a oficina enviarán a tarxeta de demanda aos enderezos sinalados polas persoas demandantes en canto sexa posible.

Ademais, as traballadoras e traballadores transfronteirizos que queiran solicitar o modelo U1, deberán facelo vía telemática enviando un correo a CDSSViana-do-Castelo@seg-social.pt indicando nome completo, data de nacemento e número da seguridade social en Portugal (NISS).

Os teléfonos de información e consultas dispoñibles para os demandantes son o 886 110 777 ou 886 110 781 de 09.00 a 14.00 h. Tamén poden facerse vía correo electrónico á oficina do SPEG: oficina.emprego.tui@xunta.es.

Circulación transfronteiriza

Coa finalidade de facilitar a o paso pola fronteira Valença/Tui, o Concello de Tomiño creou unha liña de apoio dixital, con recurso a correo electrónico (beatriz.miranda@tomino.gal), para a emisión de volantes e certificados de residencia e de circulación de portugueses residentes en Tomiño e traballadores en Vila Nova de Cerveira. Aquelas persoas que dispoñan de certificado dixital ou teñan o DNI electrónico activado poden facer a súa solicitude a través da sede electrónica.

Ademais, para outras consultas relacionadas co traballo transfronteirizo durante a crise sanitaria pódese consultar o EURES transfronteirizo a través do seguinte enderezo electrónico eurest@iefp.pt e do teléfono 00 351 251 095 721. Máis información na web de Eures.