logos-eurocidade-version-2logos-eurocidade-version-2logos-eurocidade-version-2logos-eurocidade-version-2
  • Projeto
  • Eurocidade
    • Cerveira/Tomiño
    • Agenda Estratégica
    • Parque da Amizade
    • Documentação
    • About us
  • Participação
    • OPT
    • Provedoras
  • Serviços
    • Serviços partilhados
    • Atividades
    • Agendas Culturais
    • Cerveira – Tomiño Online
  • Economia
  • Notícias
  • Contacto
Português
  • Galego
✕
Cerveira-Tomiño presente na III edição dos Olympics4All em Viana
13 Setembro, 2017
Prorrogado prazo para apresentação de propostas para a travessia pedonal Cerveira – Tomiño
16 Outubro, 2017

Cerveira e Tomiño celebran a primeira Festa da Amizade

20 Setembro, 2017

Os concellos de Tomiño e Vila Nova de Cerveira levan anos colaborando e construíndo toda unha serie de accións para promover en conxunto. Neste marco promoveuse a Axenda Estratéxica de Cooperación Transfronteiriza entre ambos municipios, que recentemente obtivo fondos europeos FEDER a través do programa INTERREG VA POCTEP.

Entre as iniciativas compartidas que se contemplan na devandita axenda de cooperación, atópase o Orzamento Participativo Transfronteirizo (OPT), onde entidades, asociacións e particulares de ambos lados do Miño propoñen a realización de accións diversas no ámbito da cultura, o deporte, a educación, o medio ambiente, etc. Posteriormente,  as persoas residentes de ambos muncipios elixen unha iniciativa de cada categoría mediante votación popular a través da web do programa, participacerveiratomino.eu.

Gañadora OPT

A Festa da Amizade foi seleccionada entre as accións do OPT na súa primeira edición, e celebrarase este fin de semana, desde o venres 22 ao domingo 24 cunha variada oferta de lecer, artística e cultural. O venres terá lugar a cerimonia de apertura a partir das 20:30h coa actuación do Coro Infantil de Tomiño e o Coro Infantil Pauta de Caprichos de Vila Nova, seguido dunha mostra das asociacións. Chegada a noite, ás 21:30h dará comezo un encontro musical a cargo da Agrupación Musical de Goián e da Academia de Música Fernandes Fao.

O sábado 23 seguirá con oferta para todos os gustos, con actividades como a actividade de bautismo no Miño onde todas as pesoas interesadas poderán remar en pirauga e/ou kaiak, teatro, obradoiros de teatro para infancia e público adulto, presentación do libro MAMÁ, QUIERO SER DJ, arte urbana e moito máis, que finalizará pola noite cunha sesión de DJs de ambas marxes.

O domingo rematará esta primeira Festa da Amizade cunha andaina transfronteiriza pensada para dar a coñecer o patrimonio histórico ligado ao Miño e ás súas fortalezas ribeireñas con saída da fortaleza de San Lourenzo ás 12h e regreso dende Cerveira en barco ás 13h.

O programa pódese consultar na web de ambos municipios, e non é necesario inscribirse para participar (a excepción da masterclass de DJ).

Related posts

THE SECOND EVENT OF BRIDGE PROJECT
18 Abril, 2022

The second event of Bridge Project


Read more
O río Miño transfronteirizo actuará como un 'lobby' para captar fondos europeos
5 Abril, 2022

O río Miño transfronteirizo actuará como un ‘lobby’ para captar fondos europeos


Read more
A Eurocidade Cerveira Tomiño presenta en Hungría a evolución das súa cooperación transfronteiriza entre Galicia e Portugal
31 Março, 2022

Evolução das relações transfronteiriças em destaque no II Meeting Internacional do Bridge, na Hungria


Read more


Avisos Legais
Política de privacidade
Política de cookies


Praça do Município
4920-284 Vila Nova de Cerveira
Portugal


+351 251 708 020



Praza do Seixo, 1
36740 – Tomiño (Pontevedra)
España


+34 986 62 20 01/02/03

Português
  • Português
  • Galego