logos-eurocidade-version-2logos-eurocidade-version-2logos-eurocidade-version-2logos-eurocidade-version-2
  • Proxecto
  • Eurocidade
    • Cerveira/Tomiño
    • Axenda Estratéxica
    • Parque da Amizade
    • Documentación
    • About us
  • Participación
    • OPT
    • Valedoras
  • Servizos
    • Servizos Compartidos
    • Actividades
    • Axendas Culturais
    • Cerveira – Tomiño Online
  • Economía
  • Novas
  • Contacto
Galego
  • Português
✕
A Eurocidade Cerveira-Tomiño aborda as dificultades na mobilidade transfronteiriza de menores na EU Regions Week
A Eurocidade Cerveira-Tomiño aborda as dificultades na mobilidade transfronteiriza de menores na EU Regions Week
13 Outubro, 2022
Interese irlandés pola experiencia de participación pública da Eurocidade Cerveira-Tomiño
Interese irlandés pola experiencia de participación pública da Eurocidade Cerveira-Tomiño
28 Outubro, 2022

A mocidade protagonizará a nova edición do Orzamento Participativo Transfronteirizo

27 Outubro, 2022
A mocidade protagonizará a nova edición do Orzamento Participativo Transfronteirizo

O Consello de Xestión Estratéxica da Eurocidade Cerveira-Tomiño aprobou as bases do OPT 2023. Ademais deu luz verde ao programa de actividades e ao orzamento para 2023

 

Tomiño e Vila Nova de Cerveira seguen a dar pasos na súa aposta por compartir cada vez máis servizos, proxectos e iniciativas conxuntas. Neste camiño, o Comité de Xestión Estratéxica da Eurocidade Cerveira-Tomiño mantivo un novo encontro no que se abordaron diferentes cuestións de futuro, como a celebración dunha nova edición do Orzamento Participativo Transfronteirizo (OPT), que nesta ocasión “estará dirixido á mocidade buscando darlle un novo impulso e maior protagonismo aos cidadáns e cidadás do futuro”, como explicaron a alcaldesa de Tomiño, Sandra González, e o presidente da cámara municipal de Cerveira, Rui Teixeira, durante a reunión mantida co equipo técnico.

O Orzamento Participativo Transfronteirizo 2023 pretende dar continuidade ás catro edicións celebradas dende 2016, que conseguiron implicar a máis de 50 asociacións dos dous concellos e posibilitaron que se traballara de forma conxunta na preparación de 25 proxectos no marco da Axenda de Cooperación financiada con fondos FEDER da Unión Europea Interreg 2014-2020. Os dous rexedores salientaron que este instrumento de participación pública na gobernanza transfronteiriza “converteuse nunha ferramenta imprescindible para promover a transformación das relacións entre sociedade e institucións e, no noso caso, como a mellor opción para facilitar a relación e a iniciativa conxunta entre os habitantes dos nosos concellos”.

Por decisión de todas as persoas votantes nas anteriores edicións, a infancia e a mocidade tiveron un protagonismo destacado nos proxectos anteriores. Por ese motivo, e tras dous anos de pandemia da COVID.19, a Axenda 2030 da Eurocidade Cerveira-Tomiño retoma a actividade de forma decidida reflectindo este protagonismo no OPT-23, que estará orientado á xente máis nova co obxectivo de incrementar a participación e o poder de decisión da veciñanza do futuro. Así, mozos e mozas de 12 a 25 anos tanto residentes na Eurocidade como non residentes pero matriculados en centros de ensino dos dous municipios participarán este ano na votación para a elección de dous proxectos financiados cun importe de 20.000 euros, que este ano estará centrada en catro iniciativas elaboradas nun proceso de participación pública chamado ‘Axenda para a Mocidade Eurocidade Cerveira-Tomiño’ que se celebrou no primeiro semestre de 2022.

Deste xeito, a Eurocidade Cerveira-Tomiño mantén o seu compromiso co cumprimento dos Obxectivos de Desenvolvemento Sustentable (ODS) das Nacións Unidas e cos desafíos ambientais, de integración social, mobilidade e conectividade priorizados a escala europea para 2021-2027. Dende a Eurocidade agradécese a boa disposición das direccións e profesorado dos centros educativos, que colaborarán activamente tanto na difusión do OPT 2023 como no proceso de votación.

Por outro lado, o Comité de Xestión Estratéxica da Eurocidade tamén procedeu a dar luz verde ao plano de actividades e ao orzamento para o vindeiro ano 2023, ademais de analizar as propostas para a renovación da titularidade das Valedoras da Cidadanía Transfronteiriza, que aprobarán proximamente ambos os dous concellos.

Novas relacionadas

A Eurocidade Cerveira-Tomiño une á mocidade a través da música
27 Marzo, 2023

A Eurocidade Cerveira-Tomiño une á mocidade a través da música


Ler máis
Tomiño e Cerveira presumen de deportistas ‘olímpicos’
15 Marzo, 2023

Tomiño e Cerveira presumen de deportistas ‘olímpicos’


Ler máis
As novas Valedoras Transfronteirizas queren rachar con burocracias “incoherentes”
10 Marzo, 2023

As novas Valedoras Transfronteirizas queren rachar con burocracias “incoherentes”


Ler máis


Avisos Legais
Política de privacidade
Política de cookies


Praça do Município
4920-284 Vila Nova de Cerveira
Portugal


+351 251 708 020



Praza do Seixo, 1
36740 – Tomiño (Pontevedra)
España


+34 986 62 20 01/02/03

Galego
  • Português
  • Galego